إذا ناوي تقدم على الامتحانات التمهيدية هالسنة، فإلك هذا الشرح المبسط للمستمسكات المطلوبة وكل التفاصيل اللي تحتاجها. بالبداية لازم توفّر جنسية وشهادة الجنسية أو البطاقة الموحدة، وياها بطاقة السكن، وإذا كنتِ متزوجة تجيبين بطاقة سكن زوجچ.
المديرية تطلب 12 إلى 14 صورة خلفيتها بيضة وبحجم صور الجواز 3.5 في 4.5  شروط التقديم الخارجي

أما واقع حال الطالب، هذا ياخذوه من آخر مدرسة تركت بيها الدراسة، ويكتبون بيه شكد صار عندك رسوب أو سنين تركت الدراسة.

تحميل واقع الحال استمارة التقديم الخارجي

التأييد أو الوثيقة مهمّ؛ إذا كنت مقدم للثالث متوسط تاخذ تأييدك من الابتدائية، وإذا مقدم للسادس الإعدادي تاخذ تأييدك من المتوسطة.

بالنسبة للرسوم:

• المتقدم للسادس الإعدادي أو الثالث متوسط يدفع 50 الف دينار عراقي

• المتقدم للسادس الابتدائي يدفع 25 ألف دينار عراقي

امتحانات التمهيدي تصير نهاية الشهر الأول أو بداية الشهر الثاني، وهي دور واحد بس، وإذا جبت درجة من 45 إلى 49 تترفع تلقائياً إلى 50.

عدد المواد المؤهلة:

• سادس إعدادي 7 مواد، لازم تنجح بـ4 حتى تتأهل

• ثالث متوسط 8 مواد، مطلوب نجاح بـ5